...
Կայացավ Հայկական բժշկական ասոցիացիայի խորհրդի և գործադիր վարչության համատեղ նիստը
Սույն թվականի մայիսի 16-ին տեղի ունեցավ Հայկական բժշկական ասոցիացիայի (ՀԲԱ) խորհրդի և գործադիր վարչության համատեղ նիստը: Նիստի նպատակն էր առաջին հերթին ամփոփել ՀԲԱ վերջին տարվա աշխատանքները, քննարկել Բուժաշխտողների հավաստագրման գործընթացի, Հայաստանի 6-րդ միջազգային բժշկական համագումարի նախապատրաստական աշխատանքների և «Արցախի բժիշկներ» ծրագրի շրջանակներում ՀԲԱ մասնակցությունը:
Մեկ տարի առաջ ՀԲԱ-ն դարձավ մասնագիտական ասոցիացիաների ասոցիացիա և մեկ տարվա ընթացքում իրականացված աշխատանքների և ապագա անելիքների մասին զեկույցով հանդես եկավ Հայկական բժշկական ասոցիացիայի (ՀԲԱ) նախագահ Արմեն Սողոյանը: Բուժաշխտողների հավաստագրման գործընթացը ներկայացրեց մասնագիտական գործունեության հավաստագրման ազգային կենտրոնի ղեկավար Սոնա Սարգսյանը: Հայաստանի 6-րդ Միջազգային բժշկական համագումարի և «Արցախի բժիշկներ» ծրագրի մասին խոսեց 6IMCA համանախագահ և ՀՕՖ բժշկական ծրագրերի համակարգող Համբարձում Սիմոնյանը:
Մեկ տարվա ընթացքում ՀԲԱ գործունեության արդյունքներն ավելին էին, քան կարելի էր սպասել. ի թիվս այլ ձեռքբերումների ՀՀ առողջապահության նախարարության հետ ստորագրված հուշագրի իրականացման արդյունքում պայման է ապահովել ավելի սերտ համագործակցության, որի շնորհիվ ՀԲԱ անդամ ասոցիացիաները ներկայացված են և թեստավորման, և մասնագիտությունների ցանկերի մշակման, և տնօրենների մրցութային հանձաժողովներում: Սրան զուգահեռ աշխատանք է տարվում ամբողջական պատասխանատվություն վերցնել կլինիկական ուղեցույցների, ալգորիթմների և այլ կանոնակարգող և որակի բարելավմանը ուղղված գործընթացներում: Համատեղ և կազմակերպված աշխատանքի արդյունքում շատ արագ մասնագիտական ասոցիացիաները կունենան այն ազդեցությունը, որի մասին մեր 2019 թ. հունիսին կայացած առաջին հանդիպման ժամանակ որպես շատ հեռավոր երազանք էր թվում:
Սերտացվում են համագործակցությունը ՀՀ ԱԺ առողջապահության հանձնաժողովի հետ և այստեղ նույնպես հույս ունենք, որ շուտով կլինեն համապատասխան օրենսդրական նախաձեռնություններ, որոնք կմեծացնեն մասնագիտական ասոցիացիաների դերը առողջապահության ոլորտում:
Վիրաբույժ ուռուցքաբանների հայկական ասոցիացիան և Ընտանեկան բժշկության ակադեմիական միությունը իրենց դիմումի և ՀԲԱ խորհրդի միաձայն որոշմամբ անդամակցեցին ՀԲԱ-ին:
ՀԲԱ Խորհուրդը բաղկացած է անդամ կազմակերպությունների նախագահներից, ովքեր մեզ հետ կիսվեցին տպավորություներով և պլաններով.
Գերիատրիայի և գերոնտոլոգիայի հայկական ասոցիացիայի նախագահ Արթուր Թորոսյանի խոսքով, դեռևս շատ խնդիրներ կան` կապված մասնագետների, կրթական ծրագրերի հետ: Նա կարևորեց գործընկերների հետ թիմային աշխատանքը` հերիաթրիկ և հերոնտոլոգիական ծառայության զարգացման գործընթացում, և որ ժամանակն է ու անհրաժեշտ է տարեցներին խնամքը և բուժօգնությունը արդեն միջազգային ուղեցույցներով:
Հայկական արյունաբանական ասոցիացիայի նախագահ Երվանդ Հակոբյանը խոսեց բժշկական ասոցիացիաների մեծ դերի մասին` առողջապահական համակարգի զարգացման գործընթացում: Ասոցիացիաների հիմնական դերը նա համարեց կրթական, գիտական, հետազոտական աշխատանքների կազմակերպումը, և նաև այնպիսի խնդիրներին անդրադառնալն ու լուծումներ գտնելը, որոնք կապված են մասնագետների աշխատանքի հետ: Մեր ասոցիացիան 10 տարեկան է: Արդեն բավականին աշխատանք ենք իրականացրել, սակայն դեռ շատ գործ էլ ունենք անելու, հատկապես հիմա, երբ շատ կարևորվում է ասոցիացիաների դերը և՛ մասնագիտական ցանկերի, և՛ կրթական ծրագրերի, և՛ ուղեցույցների կազմման և հաստատման հետ կապված:
Հայկական վիրաբուժական ուռուցքաբանների միություն նախագահ Գագիկ Համբարձումյանը ներկայացրեց համեմատաբար երիտասարդ միությունը, որը գործում է 2016 թվականից: Նա խոսեց ներկայում կատարվող մեծ որակական փոփոխությունների մասին` կրթական, ատեստավորման, լիցենզավորման մասնագիտական ոլորտներում` աշխարհի մակարդակով, որոնցում ՀԲԱ-ն պետք է ուենա իր մեծ դերակատարումը: Միայն պետությունը և առողջապահության նախարարությունը ի զորու չեն նեղ մասնագիտական հարցերին լուծումներ տալու, իսկ ՀԲԱ-ն կկարողանա խորհրդատվական, հետագայում գուցե նաև օրենսդրական նախաձեռնություններով, առաջարկներով հանդես գալ:
Անեսթեզիոլոգների և ինտենսիվ թերապևտների հայկական միության նախագահ Արմեն Վարոսյանը անդրադարձավ նրան, որ նախկինում շատ փորձեր են եղել տարբեր ոլորտների գործունեությունը համակարգելու ուղղությամբ, բայց միշտ ինչ-ինչ պատճառներով չի ստացվել: ՀԲԱ դերն այն էր, որ վերջապես կարողացավ միավորել մասնագիտական միությունները:
Արդյունքներն աստիճանաբար երևում են, չնայած շատ ժամանակ չի անցել:
Ապագայում ավելի լուրջ սպասելիքներ կան:
ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ
- Ժողովրդական դեղամիջոցներ
- Հղիություն. 4-րդ ամիս
- Հղիություն. 7-րդ ամիս
- Կոճապղպեղ նույնն է՝ իմբիր, Ginger եւ Zingiber Officinale
- Հղիություն. 6-րդ ամիս
- «Արագիլ» հիմնադրամը ստեղծված է՝ օգնելու անպտղությամբ տառապող զույգերին. Կարինե Թոխունց
- Հղիություն. 2-րդ ամիս
- 4-7 ամսական երեխաների սնուցումը
- Ամուսնական առաջին գիշերը
- Ընկերության մասին
- Ինչպես ազատվել անցանկալի մազերից
- Խնձորը` պզուկների դեմ. ազատվիր նրանցից 1 գիշերվա ընթացքում
- Պարզվում է ապագա երեխայի սեռը կախված է մայրիկի սնունդից
- Դդում
- Կոճապղպեղ՝ նիհարելու համար (կոճապղպեղի թեյ)
- Հիվանդություն, որը փոխում է մեր կյանքը` կրծագեղձի քաղցկեղ
- Սեռական գրգռում
- Արգանդի միոմա. նախանշանները, պատճառներն ու բուժումը
- Երիցուկ դեղատնային - Ромашка аптечная - Matricaria chamomilla L.
- Չիչխանի օգտակար հատկությունները
- Քարավուզ (նույն ինքը՝ նեխուր)
- Ինչպես ազատվել բերանի վատ հոտից`պարզ միջոց
- Դիմակներ` մազերի համար
- Հղիություն. 1-ին ամիս
- Կրծքի ցավե՞ր ունեք. ինչ անել
- Ընդհանուր տեղեկություններ մարմնի համակարգերի մասին
- Ընտրություն ըստ հորոսկոպի
- Հիվանդություն, որի համար պետք չէ ամաչել (թութք)
- Հեշտոցային արտադրության պատճառները. մասնագետի անդրադարձը
- Բերանի խոռոչի լորձաթաղանթի ախտահարումը սովորական բշտախտի ժամանակ (սկիզբը` նախորդ համարում)
- Հղիությունը և նախապատրաստվելը դրան
- Խոսենք այդ մասին. ձեռնաշարժություն
- Երբ գլխացավն ախտանիշ է: Հանճարեղ և օժտված մարդկանց հիվանդություն
- Լեղաքարային հիվանդություն. բուժման մեթոդները
- Սեռական թուլության առաջին նախանշանները. news.am
- Էկզեմայի տեսակները և բուժումը
- Ուլտրաձայնային դոպլերոգրաֆիա (երկակի (դուպլեքս) անոթների)
- ՈւՆԱԲԻ: Արևելյան բժշկության գաղտնիքները
- Իրիդիոսքրինինգ
- Գամմա-դանակը նշտարի փոխարեն